මාස 8 කට පසු අසාද් සාලි නිදොස් කොට නිදහස්

16

මාස 8කට අධික කාලයක් රක්ෂිත බන්ධනාගාර ගත කර සිටි බස්නාහිර පළාතේ හිටපු ආණ්ඩුකාර අසාද් සාලි එම චෝදනාවලින් නිදොස් කොට නිදහස් කරන ලෙස කොළඹ මහාධිකරණය නියම කළේය.
අසාද් සාලි ට ආගමික කණ්ඩායම් අතර එදිරිවාදිකම් උත්සන්න කිරීමට ක්‍රියා කළේ යැයි චෝදනා එල්ල වී තිබිණි.
කොළඹ මහාධිකරණ විනිසුරු අමල් රණරාජා මෙහි තීන්දුව ප්‍රකාශයට පත් කරමින් කියා සිටියේ, විත්තිකරු විසින් ජාතීන් හෝ ආගම්වලට පවතින සංහිඳියාව බිදී යන ආකාරයෙන් හා ජනතාව අතර ක්‍රෝධය වර්ධනය වන ආකාරයෙන් ප්‍රකාශ සිදුකර ඇති බව ඔප්පු කිරීමට පැමිණිලිකරුවන් අසමත් වී ඇති බවයි.
මේ අනුව පසුගිය මාර්තු මස 09 වනදා කොළඹ දී මාධ්‍ය සාකච්ඡාවක් පැවැත්වීමෙන් අදාළ ප්‍රකාශ සිදුකර ඇති බවට විත්තිකරුට එරෙහි චෝදනා සාධාරණ සැකයකින් තොරව ඔප්පු කිරීමට පැමිණිල්ල අසමත් වී ඇති හෙයින් විත්තිකරු නිදොස් කොට නිදහස් කරන බවත් විනිසුරුවරයා තීන්දු කළේය.
 

Previous article“හද පිරිමදින්නී” රැගෙන එන පසිත්
Next articleඅසාත් සාලි ට බොරු චෝදනා කලැයි මන්ත්‍රීවරුන් තුනකට නොතීසි

LEAVE A REPLY

Please enter your comment!
Please enter your name here