රශ්මික මණ්ඩාවලගෙන් ස්වතන්ත්‍ර සහ පරිවර්තන කෙටිකතා කෘති ද්විත්වයක්

මැදපෙරදිග ජීවන අත්දැකීම් අළලා සිංහල බසින් මෙතෙක් ලියවුණ එකම කෘතිය වන “ශුක්රාන් කටාර්” කෘතිය 2019 වසරේදී සූරිය ප්‍රකාශනයක් ලෙසින් නිකුත් කරමින් සාහිත්‍ය ක්ෂේත්‍රයට අවතීර්ණ වූ රශ්මික මණ්ඩාවල පසුව 2018 වසරේ නොබෙල් සාහිත්‍ය සම්මානලාභී පෝලන්ත ලේඛිකා ඔල්ගා තොකර්චුක්ගේ Drive your plow over the bones of the head නම් කෘතිය “මරණයේ රළ නැගුම” නමින් සිංහලට පරිවර්තනය කර 2020 වසරේදී විදර්ශන ප්‍රකාශන ආයතනයෙන් ප්‍රකාශයට පත්කරමින් ලාංකීය පාඨකයන් අතර ජනප්‍රියත්වයට පත්විය.
ඔහුගේ නවතම කෘති ද්විත්වයක්, එනම් “මොනාලිසාගේ මිසර ගමන” නමින් ඔහුගේම ස්වතන්ත්‍ර කෙටිකතා 8ක් ඇතුළත් කෙටිකතා සංග්‍රහයක් මෙන්ම, නූතන විශ්ව සාහිත්‍ය කෙටිකතා හතක් ඇතුළත් පරිවර්තන කෙටිකතා සංග්‍රහයක් “චීනයට මන්දගාමී බෝට්ටුවකින්” නමින් එළිදක්වා ඇත. මෙම පරිවර්තන කෘතියට ලෝකයේ ප්‍රමුඛ ලේඛක ලේඛිකාවන් වන හරුකි මුරකමි, ඔල්ගා තොකර්චුක්, ජෝර්ජ ඔවෙල්, ඉතාලො කැල්විනෝ ගේ කෙටිකතා ද, කැමරූන් ලේඛිකා ඉම්බෝලො ම්බොයො සහ පෝලන්ත ලේඛක මාරියුෂ් ෂ්ෂිජියෙල්ස් ගේ කෙටිකතා පළමු වරට සිංහල භාෂාවට පරිවර්තනය වී ඇතුළත්ව තිබේ. මෙම කෘති ද්විත්වයම ප්‍රකාශයට පත්කර තිබෙන්නේ CKmedia lanka ආයතනයෙනි.

Leave A Reply

Your email address will not be published.

19 − 8 =