බැසිල්ට විරුද්ධ දයාසිරි පඬුවස්නුවරින් දිනයි !

පඬුවස්නුවර ප්‍රාදේශීය සභාවේ සභාපති ධුරයට ශ්‍රී ලංකා පොදුජන පෙරමුණ යෝජනා කළ මන්ත්‍රීවරයා පරාජයට පත්කරමින් ශ්‍රී ලංකා නිදහස් පක්ෂය විසින් යෝජනා කරන ලද මන්ත්‍රීවරයා ජයග්‍රහණය කර තිබේ.
ප්‍රාදේශීය සභාවේ හිටපු සභාපති සුනිල් ජයවීර කොවිඩ් 19 වෛරසය ආසාදනය වීමෙන් පසු, අසාධ්‍යව මියගියේය.
සභාව සඳහා නව සභාපතිවරයකු තෝරා පත්කර ගැනීම සඳහා අද (08) රහස් ඡන්දයක් පැවැත්විණි. එහිදී ශ්‍රී ලංකා පොදුජන පෙරමුණ නව සභාපති ධුරයට නම් කරන ලද ඩබ්ලිව්. අරවින්ද මන්ත්‍රීවරයාට හිමි වූයේ ඡන්ද 16කි. ශ්‍රී ලංකා නිදහස් පක්ෂය නිර්දේශ කර තිබූ ධර්මසේන බමුණුසිංහ මන්ත්‍රීවරයා මෙහිදී ඡන්ද 20ක් ලබාගෙන තිබේ. ශ්‍රීලනිප මහ ලේකම් රාජ්‍ය ඇමැති දයාසිරි ජයසේකර ඔහුට ප්‍රසිද්ධියේ සහාය දක්වා තිබිණි. පඬුවස්නුවර මැතිවරණ කොට්ඨාසයෙන් ආණ්ඩුව නියෝජනය කරන පාර්ලිමේන්තු මන්ත්‍රීවරයා වන්නේ දයාසිරි ජයසේකර වුවද, එහි ආණ්ඩුවේ සංවිධායක ධුරය ඔහුට පවරා නැත.

Leave A Reply

Your email address will not be published.

5 × 1 =