“දැනට ශ්‍රී ලංකාවේ තත්වය ඉන්දියාව වඩා බරපතලයි”

ඉන්දියාවේ දත්ත සමග සැසදීමේදී ඊට සමාන වෙමින් පවතින බව රජයේ වෛද්‍ය නිලධාරීන්ගේ සංගමයේ මාධ්‍ය හමුවකට එක්වෙමින් එම සංගමයේ මධ්‍යම කාරක සභික වෛද්‍ය හංසමාල් වීරසුරිය ප්‍රකාශ කර සිටියේය.
” අප මුලින්ම කියා සිටියා ඉන්දියාව සමග සැසදීමේදී ශ්‍රී ලංකාවේ කොවිඩ් ව්‍යාප්තිය සතුටුදායක තිබෙනවා කියා. නමුත් මේ වන විට ඉන්දියාවේ ජනගහණයෙන් මිලියනයකට සිදුවන මරණ ප්‍රතිශතය 2.01%ක අගයක්. ශ්‍රී ලංකාවේ ජනගහණයෙන් මිලියනයකට එය 1.91%ක අගයක් ගෙන තිබෙනවා . ”
”ආසාදිතයින් වාර්තා වීම අතින් බැලු කළ ඉන්දියාවේ ජනගහණයෙන් මිලියනයකට ආසාදිතයින් වාර්තාවීම 85.03%ක අගයක්. නමුත් ශ්‍රී ලංකාවේ ජනගහණයෙන් මිලියනයකට ආසාදිතයින් වාර්තා වීම 138.68%ක් ලෙසයි දැක්වෙන්නේ. මෙය සතියක කාලයක් අනුව ගණනය කළ දත්ත. මේ අයුරින් බලන විට ශ්‍රී ලංකාවේ තත්ත්වය ඉන්දියාව අභිබවා යන්න ඉතා ආසන්නයෙන් සිටින්නේ. මෙය ගෝලීය වසංගත තත්ත්වයක්. ඒ අනුව ශ්‍රී ලංකාවත් කොවිඩ් ව්‍යාප්තියෙන් දරුණු අතට පැමිණෙමින් තිබෙනවා කියා සඳහන් කරන්න පුළුවන්.”
”මේ දත්ත හරි විදිහට විශ්ලේෂණය කරන්න ඕන. දත්ත ලැබීමේ අතින් යම් අඩුපාඩු තිබෙනවා. මෙය වලක්වා ගන්න සෞඛ්‍ය බලධාරීන් ලෙස සියලු දෙනා කටයුතු කරන්න ඕන.”
”රටේ සංචරණ සීමා පනවා තිබෙනවා. සියලු දෙනාම ඊට අවනත විය යුතුයි. අවම වශයෙන් 80-90%ක් අපේ සංචරණ සීමා කරන්න අවශ්‍යයි. මොකද තත්ත්වය දරුණු අතට හැරෙන්නේ නැතිව තියා ගන්න පුළුවන් වෙන්නේ එතකොටයි. කරුණාකරලා මේ රෝගය තමන්ට තමන්ගේ නිවසට ගෙන යන්න එපා. දැනටමත් මෙහි දරුණු භාවය ඔබට වැටහෙනවා ඇති. අපේ රටේ වාර්තා වූ කොවිඩ් ආසාදිත මරණ වලින් පළමු මරණ 500 වාර්තා වන්න දින 343ක් ගතවුනා. දෙවන මරණ 500 වාර්තා වන්න ගියේ දින 72ක්. 03 වන මරණ 500 වාර්තා වන්න ගත වෙලා තියෙන්නේ දින 13ක් පමණයි. මරණ සංඛ්‍යාව වාර්තා වීමේ වේගවත් භාවය මෙතනින් අපට සිතා ගන්න පුළුවන්.” බව වෛද්‍ය හංසමාල් වීරසුරිය වැඩිදුරටත් කියා සිටියේය.

Leave A Reply

Your email address will not be published.

six − 3 =