හින්දි ගීතයට දාර්ශනිකත්වය පෙවූ කවියා – ආනන්ද් බක්ෂි

චින්දාරි කෝයි බදකේ, තුජෙ දේකා තෝහේ ජානා සනම්, මෙරි සපනොකි රණි, යේ ක්යා හුවා, කුච් තෝ ලෝග කහේන්ගේ, චල් චල් මෙරේ සාති, යේ ජීවන් සේ, වගේ ගීත හින්දි සිනමාව එක්කම බද්ධ වුන ගීත. මේ ගීත අතුරින් එක ගීතයක්වත් ඔබ අසා තියෙනවා. මේ ගීත අපි කොච්චර අහලා තියෙනවද? හින්දි සිනමාවේ නිර්මිත ගීත අතුරින් මේ ඉතාම ස්වල්පයක්.
1930 රාවල්පිණ්ඩියේදී උපත ලැබූ ඔහු කුඩා කල ඉඳන්ම චිත්‍රපට වලට පිස්සුවෙන් වගේ ආදරය කරනවා. වයස පහේදී සිය මෑණියන් අහිමි වූ ඔහු පියා සමඟයි හැදී වැඩෙන්නේ. බොම්බායට ගොස් බොලිවුඩයට එකතු වීම තමයි ඔහුගේ සිහිනය. හැබැයි මේ සිහිනයට ගෙදරින් නම් කිසිම සහයෝගයක් ලැබෙන්නේ නැහැ. ඔහුගේ පවුලේ සියල්ලන්ම හමුදාවේ හෝ බැංකුවල වැඩකළ සාමාජිකයින්. ඒ් නිසා ඔහුටත් බැංකු හෝ මිලිටරි රස්සාවක් කිරීමට බලපෑම් එල්ල වෙනවා. වයස 16දී නිවසින් පැන යන ඔහු නාවික හමුදාවට බැඳෙන්නේ බොම්බායට යාම අරමුණින්. කෙසේ වෙතත් කල්කටාවේ සේවය කරමින් ඉන්න අතරතුර ඉන්දියාව හා පාකිස්තානය වෙන්කිරීම සිදුවෙනවා. මේ නිසා සිය පවුල සමඟ ඔහුට ලක්නව් වෙත යාමට සිදුවෙනවා. එහිදී දුරකතන ක්රියාකරුවෙක් ලෙස සේවය කරන ඔහු සිය බොලිවුඩ් සිහිනය නම් අතාරින්නේ නැහැ. මේ තරුණයා තමයි පසුකලෙක ඉන්දියාවෙන් බිහිවුන විශිෂ්ඨ ගී පද රචකයෙක් වූ ආනන්ද් බක්ෂි.
ලක්නව් වලින් ඔහු දිල්ලියට පැමිණ මෝටර් බයිසිකල් කාර්මිකයෙකු ලෙස වැඩකරනවා. බොම්බායට යාමේ ඔහුගේ සිහිනය කරා ඔහු කෙමෙන් කෙමෙන් ගමන් කරනවා. 1958දී ඔහුට මාස්ටර් භගවන් නැමැති නළුවෙක් මුණ ගැසීමට ලැබෙනවා. ඔහුගේ චිත්රපටය වන Bhala Admi නැමැති චිත්රපටයට ආනන්ද් බක්ෂිට පළමු වරට ගීත ලිවීමට අවස්ථාව උදාවෙනවා. එහෙත් ආනන්ද් බක්ෂිගේ ගීත රචනා නම් ඒතරම් සාර්ථක වෙන්නේ නෑ. Mehndi Lagi Mere Haath (1962) සහ Jab Jab Phool Khile(1965) චිත්රපට දෙකේ ගීත රචනා යම් සාර්ථකත්වයක් ලැබුවත්, ආනන්ද් බක්ෂි ගැන ඉන්දියාව දැනගන්නේ 1967 දී නිර්මාණය වූ Milan නැමැති චිත්රපටයෙන්. බොලිවුඩ් බ්ලොක්බක්ස්ටර් එකක් බවට පත්වුනු මේ චිත්රපටයෙන් ආනන්ද් බක්ෂිත් කළඑළි බහිනවා.
එතැන් සිට, අමර් ප්රේම්, ශෝලේ, ආරාධනා, දිල්වාලේ දුල් හනියා ලේ ජායේ , දිල් තෝ පාගල් හේ, නාගීනා, මොහොරා, ලම් හේ, හම්, පර්දේස්, තාල් , මොහබ්බතීන් වැනි අතිවිශිෂ්ඨ චිතපටවල ගී පද රචකයා වෙනවා පමණක් නොවෙයි සම්මාන ගණනාවකින් ද පිදුම් ලබනවා.
1971 දී හරේ ක්රිස්නා හරේ රාම් චිත්රපටයට ඔහු ලියූ Dum aur Dum ගීතය ඔහු සෑම ආරයකටම ගීත ලිවිය හැකි පද රචකයෙකු බව සනාථ කරනවා. ලක්ෂ්මිකාන්ත් ප්යාරේලාල්, රාහුල් දේව් බර්මන්, කල්යාන්ත් ජී ආනන්ද් ජී, සචින් බර්මන්, අනු මලික්, ආනන්ද් -මිලින්ද් වැනි බොලිවුඩයේ විශිෂ්ඨ සංගීත අධ්යක්ෂවරු සමඟ ඔහු කටයුතු කරනවා. එ වගේම ඔහු ලතා මංගේෂ්කාර් සමඟ යුග ගීයක්ද ගයා තිබෙනවා.
හොඳම ගීත රචනයට තුන්වරක් ෆිල්ම් ෆෙයාර් සම්මානයද, Zee Cine වැනි සම්මාන රාශියක් ලබාඇති ආනන්ද්
බක්ෂි අවාසනාවන්ත ලෙස 2002 දී මෙලොවින් සමුන්නවා. හදවතේ හා පෙනහළු වල ඇතිවූ ආබාධයක් නිසා මොලොවින් ඔහු සමුගැනීම බොලිවුඩයට පමණක් නොව හින්දී ගීත රසවිඳින සමස්ථ රසිකයන්ටම වූ පාඩුවක්. එසේ නොවුනා නම් ඔහු අතින් තවත් කෙතරම් ගීත නම් ලියැවේවිද? මියයන්නට පෙර ඔහු රචනා කළ ගීත අදටත් චිත්රපට වලට යොදා ගන්නවා. ආනන්ද් බක්ෂිගේ විශිෂ්ටත්වය අදටත් එලෙසමයි.
මේ ආනන්ද් බක්ෂි අමර් ප්රේම් චිත්රපටයට රචනා කළ ගීතය. බලන්න එය අදටත් කෙතරම් ගැලපේද? නිදහස් දවසේ අපි නිදහස්ද?
Kuch tho loga kahenge
මිනිසුන් එකක් නැතහොත් තවෙකක් පවසාවි
කතා හැදීම ඔවුන්ගේ කාර්යයි
ඒ ගැන වද නොවන්න,
නිෂ්ඵල දේ මේ රැයෙහි ගිලී යන්නට ඉඩදෙන්න
හැම උදෑසනකටම පසුව රාත්රියක්ද එළැඹේ , ඒ මේ ලෝකයේ ස්වභාවයයි
සීතාවන්ටද අපහාස කළ මේ ලෝකයේ ඔබ කවුරුන්ද?
ඉතින් සොඳුරිය මේ කතා නිසා ඔබේ දෑස බොඳවන්නේ කිමද?
අප නොමඟ යන බව පවසමින් අප අවමානයට ලක් කරන්නන්
මේ මාර්ගයේම සැඟවී ඇති බැව් මා හොඳින් දනිමි
මේ නම් සත්යයි, එය කටකතාවක් නොවේ,
ඔබට එසේ නොදැනේද සොඳුරිය
-රශ්මික මණ්ඩාවල 
Leave A Reply

Your email address will not be published.