හෙද කාර්යමණ්ඩල අවදානමක?

කොරෝනා රෝගීන් සමග සෘජුව කටයුතු කරන හෙද කාර්ය මණ්ඩල වසංගතයේ ගොදුරු බවට පත්වීම නොවලක්වන්නේ නම් රට පුරා වෘත්තිය සමිති පියවරකට අවතීර්ණ වන්නේ යැයි සමස්ත ලංකා හෙද සංගමය රජයට අවධාරණය කරයි.
හෙද කාර්යමණ්ඩලවලට කොවිඩ් ආසාදනය වීම වැලැක්වීමට ක්‍රියාත්මක වැඩපිළිවෙල රෝහල් ගණනාවක නවතා දැමීම ඊට හේතුව යැයි ද නිවේදනයක් නිත් කරමින් එම සංගමය කියයි.
හෙද කාර්ය මණ්ඩලවල ආරක්ෂාවට ද අදාළව සෞඛ්‍ය ලේකම් විසින් 2020.10.22 දින නිකුත් කළ අති.ලේ.(පාලන) 2 10/2020 ලිපියේ උපදෙස් අනුව ක්‍රියා නොකිරීම ගැන සෞඛ්‍ය ලේකම්වරයාටම අවස්ථා කීපයකදී දැනුම් දුන්නත් ඔහු හෝ රෝහල් බලධාරින් කිසිදු පියවරක් ගෙන නැතැයි එම සංගමය චෝදනා කරයි.
මහනුවර ජාතික රෝහල, පේරාදෙණිය මහ රෝහල, ජාතික අක්ෂි රෝහල ගල්ගමුව මූලික රෝහල ඇතුලූ රෝහල් ගණනාවක මෙසේ කොරෝනා රෝගීන්ට නිරාවරණය වීම නිසා හෙද හෙදියන් ඇතුලූ කාර්ය මණ්ඩලවල විශාල පිරිසක් නිරෝධායනයට ලක් කර ඇතැයි එම නිවේදනයේ සඳහන් වේ.
තවද ආයතන ප්‍රධානීන් අවිද්‍යාත්මක ලෙස කාර්ය මණ්ඩලවල සියලූ දෙනා දෛනිකව සේවයට කැඳවීමක් කාර්ය මණ්ඩල සදහා ක්‍රියාත්මක කළ සේවා මුර ක්‍රමය නවතා දමා ඒ වෙනුවට පළාත් සභා රෝහල් තුළ හෙද හිගය හමුවේ කොවිඩ් රෝගීන් වෙනුවෙන් රාජකාරී ඉටුකළ හෙද හෙදියන්ගේ අමතර දීමනා කපා දමා ඇතැ ද ඔවුහු චෝදනා කරති.
හෙද කාර්ය මණ්ඩලයේ ආරක්ෂාව සහතික කරන ලෙස ඉල්ලා 2021.01.15 දින මහනුවර ජාතික රෝහල, පේරාදෙණිය මහ රෝහල සහ ගල්ගමුව මූලික රෝහලේ හෙද කාර්ය මණ්ඩලය වෘත්තීය ක්‍රියාමාර්ගක නියැලීමට සිදුවුණේ මෙම තතත්වය නිසා යැයි ද සමස්ත ලංකා හෙද සංගමය අවධාරණය කරයි.
සෞඛ්‍ය ලේකම්වරයා ඇතුලූ බලධාරීන් නෑසු කන් ඇතිව කටයුතු කිරීම හමුවේ 2021.01.15 දිනවන විට පේරාදෙණිය මහ රෝහලේ පමණක් වාට්ටු අංක 17, දැඩි සත්කාර ඒකකය සහ නොමේරූ ළදරු ඒකකය වසාදමා ඒවායේ සේවය කළ කාර්ය මණ්ඩලවල සිය ගණනක් නිරෝධායනයට ලක් කර ඇතැයි ද මේ තත්වය තුල නිසි ප්‍රතිකාර නොලැබීම නිසා දැඩි සත්කාර ඒකකයේ රෝගීන් දෙදෙනකු මියගොස් ඇති බවද වාර්ථා වන්න් යැයි ද මහනුවර මහ රෝහලේ හෙදි නිළධාරීන් හතර දෙනෙකු ආසාධිතවීම හේතුවෙන් වාට්ටු අංක 31 වසා දමා ඇතැයි ද ඔවුහු පවසති.
මෙම තත්ත්වය ගැන කඩිනමින් මැදිහත්වීමක් නොකරන්නේ නම් රට පුරා රෝහල්වල සියලූ හෙද හෙදියන් සම්බන්ධ කර ගනිමින් දැඩි වෘත්තීය ක්‍රියාමාර්ගයන්ට යාමට කටයුතු කරන්නේ යැයි ද සමස්ත ලංකා හෙද සංගමය නිකුත් කළ නිවේදනයේ වැඩිදුරටත් සඳහන් වේ.
-බිඟුන් මේනක ගමගේ (fb)

Leave A Reply

Your email address will not be published.

1 − 1 =