නීතිපති උපදෙස් මත පොලිස් ලොක්කන් 09 දෙනා ගැන විමර්ශන අරඹයි

14

පාස්කු ඉරුදින ප්‍රහාරය සම්බන්ධයෙන් සොයාබැලීමට පත්කළ විශේෂ කමිටුවේ නිර්දේශ අනුව කොළඹ ප්‍රදේශය භාර නියෝජ්‍ය පොලිස්පති, බස්නාහිර උතුර ප්‍රදේශය භාර නියෝජ්‍ය පොලිස්පති සහ විශේෂ ආරක්ෂක දිසාව භාර නියෝජ්‍ය පොලිස්පති මෙන්ම, මීගමුව ප්‍රදේශය භාර ජ්‍යෙෂ්ඨ පොලිස්  අධිකාරීවරයා, කොළඹ උතුර භාර පොලිස් අධිකාරීවරයා, මීගමුව දිසාව 3 සහ 4 භාර සහකාර පොලිස් අධිකාරීවරුන්, කටාන පොලිසියේ ස්ථානාධිපතිවරයා සහ ජම්පටා පොලිස් මුරපොළේ ස්ථානාධිපතිවරයා යන පොලිස් නිලධාරීන් 09 දෙනා ගැන විනය ක්‍රියාමාර්ග ගැනීම සම්බන්ධයෙන් ජාතික පොලිස් කොමිසමේ අවධානයට යොමුකර සුදුසු පියවර ගන්නා ලෙස නීතිපපතිවරයා විසින් වැඩබලන පොලිස්පතිවරයාට දන්වා යවනු ලැබීය.

ඒ අනුව අදාළ පොලිස් නිලධාරීන් 9 දෙනා සම්බන්ධයෙන් විමර්ශන ආරම්භ කර තිබේ. වැඩබලන පොලිස්පති වරයා විසින් අද (21) දින අපරාධ පරීක්ෂණ දෙපාර්තමේන්තුව වෙත මෙම වාර්තා යොමු කරනු ලද අතර, ඊට අමතරව මුලික විමර්ශන පැවැත්වීම සඳහා පොලිස් මුලස්ථානයේ විශේෂ විමර්ශන ඒකකය වෙත ද යොමු කර තිබේ. නීතිපතිවරයාගේ සම්බන්ධීකරන නිලධාරීනි අධිනීතිඥ නිෂාරා ජයරත්න මෙනෙවිය සඳහන් කරන්නේ, පාස්කු ඉරුදින ප්‍රහාරය සම්බන්ධයෙන් සොයාබැලීමට පත්කළ විශේෂ කමිටුවේ නිර්දේශ මත මෙම උපදෙස් ලබාදී ඇති බවයි. නීතිපති දප්පුල ද ලිවේරා විසින් වැඩබලන පොලිස්පතිවරයා වෙත අද දින ලිපියක් යොමුකරමින්, නියෝජ්‍ය පොලිස්පතිවරුන් තිදෙනෙකු ඇතුළු නිලධාරීන් නවදෙනෙකුට අපරාධ විමර්ශනයක් ආරම්භ කිරීමට උපදෙස් දී තිබිණි.

Previous articleගෝඨා නිසා පොහොට්ටුවේ යළිත් ගැටුමක් – අලුත් පක්ෂයක් ගැනත් ඉඟියක්
Next articleමහින්දට රනිල්ගෙන් කෝටි 14ක වාහන අල්ලසක්

LEAVE A REPLY

Please enter your comment!
Please enter your name here