මිනුවන්ගොඩ ප්‍රදේශයේ මතු වූ නව කොවිඩ්-19 වෛරසය ව්‍යාප්තිය හේතුවෙන් උසස් පෙළ සහ පහ වසර ශිෂ්‍යත්ව විභාගය කල් දැමීමට මෙතෙක් තීරණයක් ගෙන නැති බව විභාග කොමසාරිස් ජනරාල් සනත් පූජිත ‘ලංකා’ වෙබ් අඩවියට පැවසීය.
දැනට ගම්පහ දිස්ත්‍රික්කයේ පොලිස් බල ප්‍රදේශයක පනවා ඇති පොලිස් ඇදිරිනීතිය නිසා විභාගයට මුහුණ දීමට නියමිත සිසුන්ට අසාධාරණයක් නොවන්නේ දැයි අප කළ විමසීමට පිළිතුරු දෙමින් කොමසාරිස් ජනරාල්වරයා සදහන් කළේ කිසිදු ශිෂ්‍යයෙකුට අසාධාරණයක් නොවන ලෙස විභාග පැවැත්විය හැකි සැලසුමක් සකස් කෙරෙමින් පවතින බවයි. එය තවමත් අවසන් කර නැති බවත්, සැලැස්ම සකස් කොට අවසන් වූ වහාම එය මාධ්‍ය මගින් ප්‍රකාශයට පත්කරන බවත් ඔහු වැඩිදුරටත් පැවසීය.